Pútkil dúnya boyınsha “Save Soil” (Topıraqtı saqlań) – xalıqaralıq háreketi Hindstanda Sadguru (Jaggi Vasudev) tárepinen alǵa qoyılǵan baslama bolıp esaplanıp, bul ideya astında topıraq degradaciyasın toqtatıw, ónimdarlıqtı arttırıw hám keleshek áwladlarǵa salamat topıraq qaldırıwdı maqset etken.

Usı kúnlerde “Save Soil” háreketiniń ǴMDA mámleketleri boyınsha bas direktorı Syjadha Pajagopal mámleketimiz awıl xojalıǵı ministrine jollaǵan mirát xatına bola bir topar awıl xojalıǵınıń topıraqtanıw baǵdarı boyınsha taraw ilimpazları hám jetik qánigelerinen ibarat delegaciya aǵzaları Hindstan mámleketinde xızmet saparında bolıp tur.
Awıl xojalıǵı ministrliginiń Topıraq ónimdarlıǵın arttırıw hám jerler degradaciyasına qarsı gúresiw basqarmasınıń baslıǵı Aybek Soatov basshılıǵındaǵı delegaciya aǵzaları Koimbator hám Ahmadobod qalalarında topıraqtıń shorlanıwı boyınsha ámelge asırılıp atırǵan joybarlar, fermer xojalıqlarında alıp barılıp atırǵan jumıslar menen jaqınnan tanıstı.
Sonday-aq, “Save Soil” háreketiniń topıraqtaǵı organikalıq zatlardıń úlesin keminde 3-6 procentke shekem arttırıw, diyqanlardı kompost, jasıl tógin, organikalıq qaldıqlardı qayta islewge úyretiw sıyaqlı bir qatar baǵdarlar menen tanıstırıw hám bul baǵdarlar boyınsha tájiriybe almasıwdı jolǵa qoyıw boyınsha sóylesiwler alıp barılmaqta.

Gulnoza Boboeva, ÓzA