Oliy Majlis Nızamshılıq palatasındaǵı ÓzLiDeP frakciyasınıń májilisinde bir topar deputatlar tárepinen nızamshılıq baslaması huqıqı tiykarında islep shıǵılǵan – awıl xojalıǵına mólsherlengen jer uchastkalarınan nátiyjeli paydalanıwǵa qaratılǵan nızam joybarı kórip shıǵıldı.

Atap ótilgenindey, bul nızam joybarı menen Jınayat hám Hákimshilik juwapkershilik haqqındaǵı kodekslerde tovarlar (jumıslar, xızmetler) hám qarjılay qarjılardıń erkin háreketleniwine hám (yamasa) realizaciyalanıwına aralasqanlıq yamasa tosqınlıq etkenlik ushın juwapkershilik belgilenbekte.
Awıl xojalıǵına mólsherlengen jer uchastkasınıń ijarashısı ózine ijaraǵa berilgen eki yamasa bir neshe jer uchastkaları boyınsha óz huqıqları menen minnetlemelerin basqa shaxsqa ótkeriwi, yaǵnıy bir bólegin qayta ijaraǵa beriwi múmkin ekenligi názerde tutılmaqta.
Sonday-aq, nızam joybarında fermer xojalıǵınıń basshısı isbilermenlik jumısı menen shuǵıllanıwǵa jol qoyılmaytuǵın jumısqa qabıl etilgen jaǵdayda jer uchastkasın ijaraǵa alıw huqıqın óz shańaraq aǵzalarınan birine nızamshılıqqa muwapıq ijara shártnaması ámel etetuǵın múddetke beriwge haqılı ekeni belgilep qoyılmaqta.
Joybarda názerde tutılıp atırǵan normalar awıl xojalıǵına mólsherlengen jer uchastkalarınan nátiyjeli paydalanıwǵa, awıl xojalıǵı ónimlerin jetistiriwshilerdiń nızamlı máplerin qorǵawǵa xızmet etetuǵını atap ótilip, deputatlar tárepinen qollap-quwatlandı.

M.Komilova, ÓzA