Korrupciyaǵa qarsı gúresiw agentligi menen birgeliktegi bul joybar Evropa Awqamınıń Ózbekstandaǵı delegaciyası hám Germaniya xalıqaralıq birge islesiw jámiyeti (GIZ) baǵdarlamasına muwapıq ámelge asırılıp atırǵan “huqıqıy eksperiment” sheńberinde júzege shıǵarılmaqta.

Usı múnásibet penen densawlıqtı saqlaw ministriniń orınbasarı E.Bositxonova Germaniya xalıqaralıq birge islesiw jámiyeti (GIZ) baǵdarlamasınıń basshısı V.Kessler hám “Alfakon Systems” innovaciyalıq basqarıw kompaniyasınıń xızmetkerleri menen ushırastı.
Onda densawlıqtı saqlaw sistemasın transformaciyalaw sheńberinde korrupciyaǵa qarsı basqarıw sisteması xalıqaralıq standartın (ISO 37001:2025) engiziw máseleleri hár tárepleme dodalandı.
Ushırasıwda ministrdiń orınbasarı “korrupciyasız taraw” joybarı sheńberinde sistemada ámelge asırılǵan jumıslar hám rejeler haqqında aytıp ótti.
Sonıń ishinde, bul xalıqaralıq standart talapların ministrlik sistemasında qollanıw ushın korrupciyaǵa qarsı gúresiwge qaratılǵan 14 ishki lokal hújjet jańa redakciyada qabıl etilip, uyımlıq mexanizmler engizildi hám ámelge asırılmaqta.
Sistemada korrupciya jaǵdayları haqqında xabar beriw boyınsha “1203” qısqa sanlı baylanıs hám “t.me/ssvantikor_bot” telegram bot kanalı, sonday-aq, ministrliktiń rásmiy veb-saytında ssv/pages/komplaens- xizmati atamasındaǵı bet hám “ssvuz/compliaence” elektron pochtası islemekte.
Sonday-aq, xalıqqa kórsetilip atırǵan medicinalıq xızmetlerdiń sapasın bunnan bılay da arttırıw maqsetinde 4 málimleme sisteması jaratıldı, ekewi jetilistirildi hám 3 mobil qosımsha iske qosıldı. Respublikadaǵı 3 838 medicina mákemesi DMED sistemasına jalǵanıp, 33 million xalıqtıń birden-bir elektron medicinalıq kartası qáliplestirildi.
Sóylesiw dawamında ministrliktiń Korrupciyanıń aldın alıw hám gúresiw bólimi hám “Alfakon Systems” innovaciyalıq basqarıw kompaniyası menen birgelikte xalıqaralıq standarttı engiziw boyınsha ámelge asırılıwı kerek bolǵan wazıypalar boyınsha kelisip alındı.

ÓzA