Indoneziyanıń abıraylı basılımı – “Kalimantan Post” internet gazetasında 2025-jıldıń oktyabr ayında bas redaktor Eka Shanti Rofi xanımnıń “IBISRC Gelar Kolaborasi Kelas Dunia, Termasuk Indonesia” (“Imam Buxariy xalıqaralıq ilimiy-izertlew orayı xalıqaralıq birge islesiw baǵdarlamaların ámelge asırmaqta, Indoneziya da qosıldı”) atlı maqalası basıp shıǵarıldı.

Onda Imam Buxariy xalıqaralıq ilimiy-izertlew orayınıń (IBISRC) jumısı, onıń jáhán dárejesindegi ilimiy birge islesiw baǵdarları, atap aytqanda, Indoneziyadaǵı túrles mákemeler menen ornatıp atırǵan baylanısları haqqında sóz boladı.
Maqalada Samarqand “tariyxıy qala, ilim hám aǵartıwshılıq júregi” sıpatında táriyiplenip, Imam Buxariy xalıqaralıq ilimiy-izertlew orayı bolsa “túrli mámleket ilimpazların birlestiretuǵın ruwxıy orın” dep tán alınǵan. Avtordıń atap ótkenindey, Oray sońǵı jılları xalıqaralıq ilimiy qarım-qatnas hám mádeniyatlararalıq birge islesiwdiń jetekshi platformasına aylanbaqta.
Materialda házirgi kúnlerde Oray tárepinen ótkerilip atırǵan iri izertlew hám ilimiy ánjumanlar, sonıń ishinde, Evropa, Aziya hám musılman dúnyası ilimpazların qamtıp alǵan birge islesiw joybarları, oktyabr ayınıń basında “Din hám kóp tillilik: Evropa hám Aziya jámiyetlerinde Quran hám islam ádebiyatlarınıń tarqalıwı” temasında shólkemlestirilgen xalıqaralıq ánjuman haqqında pikir júrgizilgen. Oray basshısı, professor Shovosil Ziyodovtıń ánjumandaǵı shıǵıp sóylegen sózinen tómendegi sóz keltirilip, “Samarqand ilim hám aǵartıwshılıq nurın taratqan áyyemgi qala sıpatında búgin jáne civilizaciyalar arasındaǵı qarım-qatnas orayına aylanbaqta” degen teńewi menen pikir jáne de bekkemlengen.
Atap ótilgenindey, Oraydıń “dúnya dárejesindegi birge islesiw” baslamaları arasında Indoneziya ilimpazları da belsene qatnaspaqta.
Bul maqala Indoneziyanıń iri basılımında basıp shıǵarılǵanı tek ǵana ilimiy waqıyanıń xalıqaralıq kólemde tán alınǵanın ańlatpaydı, al Ózbekstannıń islam aǵartıwshılıǵı, mádeniyatı hám keńpeyillik dástúrlerin dúnya jámiyetshiligine jetkeriwdegi jetiskenliklerin kórsetedi.
Bul maqala “Kalimantan Post” gazetasında da “Transformasi Al-Qur’an dari Abad ke-15” (“Qurannıń XV ásirden keyingi transformaciyası”) atı menen járiyalandı.

Ǵ.Hasanov, ÓzA