Aldın xabar bergenimizdey, Oliy Majlis Senatınıń Qorǵanıw hám qáwipsizlik máseleleri komitetiniń baslıǵı Qutbiddin Burxanov basshılıǵındaǵı Ózbekstan delegaciyası Bryussel qalasında bolıp tur.

Ózbekstan delegaciyası sapar sheńberinde Evropa Awqamı hám Evropa parlamenti wákilleri menen bir qatar ushırasıwlar ótkerdi. Sonıń ishinde, Evropa parlamentiniń Huqıqıy máseleler boyınsha komitetiniń baslıǵı Ilhan Kyuchyuk penen ushırasıwda eki tárepleme siyasiy sóylesiw hám parlamentleraralıq birge islesiwdi bekkemlew máseleleri dodalandı.
Belgiya Senatınıń aǵzası, “Belgiya-Ózbekstan” doslıq ligasınıń baslıǵı Stefani D‘Oz benen bolıp ótken sóylesiw waqtında parlamentleraralıq baylanıslar hám ekonomikalıq birge islesiwdi rawajlandırıw perspektivaları kórip shıǵıldı.
Evropa parlamentiniń deputatı Tomas Zdexovskiy menen ushırasıwda bolsa parlamentleraralıq sóylesiwdi keńeytiw, regionallıq turaqlılıq hám ekonomikalıq birge islesiwdi kúsheytiw máseleleri dodalandı.
Sonday-aq, parlamentlerdiń qánigelesken komitetleri arasında óz-ara tájiriybe almasıw arqalı birge islesiwdi rawajlandırıw boyınsha da pikir alısıldı.

Qaraqalpaqstan xabar agentligi