Qatardıń “Al-Vatan”, “Ash-Sharq” sıyaqlı bir qatar jetekshi basılımları Ózbekstannıń usı arab mámleketindegi elshixanası tárepinen elimiz ǵárezsizliginiń 34 jıllıǵına baǵıshlanǵan saltanatlı ilaj bolıp ótkenin sáwlelendirdi. Maqalada elshimiz Ashraf Xwjaev eki tárepleme qatnasıq misli kórilmegen dárejege kóterilgenin atap ótken.

2023-jılı úsh márte joqarı dárejedegi sapar ámelge asırıldı, 2024-jılı Strategiyalıq sheriklik haqqındaǵı kelisimge qol qoyıldı, usı jıldıń avgust ayında sırtqı isler ministrleri dárejesinde Muwapıqlastırıwshı keńestiń birinshi májilisi bolıp ótti.
Tashkent hám Doxa arasında “Qatar Airways” aviakompaniyası tárepinen tikkeley hawa qatnawınıń jolǵa qoyılıwı óz-ara turizmdi rawajlandırıwǵa, tovar almasıwdı keńeytiwge, ekonomikalıq baylanıstı bekkemlewge, eki dos xalıq qarım-qatnasın tereńlestiriwge xızmet etedi.
Ilajda Qatar Qorshaǵan ortalıq hám klimat ózgeriwi, Sırtqı isler ministrlikleri, Milliy kitapxana, Protokol departamentiniń basshıları, sonday-aq, bir neshe mámleket elshileri, diplomatiyalıq missiyalardıń wákilleri qatnastı.

M.Pirmatova, ÓzA