Maqalada atap ótiliwinshe, Ózbekstanda bolıp atırǵan reformalardıń tiykarında Prezident Shavkat Mirziyoevtiń reformatorlıq energiyası jatadı. Avtordıń atap ótiwinshe, mámleket basshısı tek ǵana sociallıq-ekonomikalıq ózgerislerge emes, al ruwxıy qádiriyatlardı tiklew, milliy maqtanıshtı bekkemlew hám mádeniy miyrastı qásterlep saqlawǵa da ayrıqsha itibar qaratpaqta.

Sonıń menen birge, basılımda Prezidenttiń baslaması menen qurılıp atırǵan Islam civilizaciyası orayı Ózbekstannıń jáhán mádeniy saxnasına qaytıwınıń belgisi sıpatında bahalanǵan.
Avtor jaqın ótmish haqqında pikir júrgizer eken, ata-babalarımız kim, bul dúnyada ornımız qay jerde bolǵanın umıtıp ketkenimiz, eń ashınarlısı, zamanagóy dúnya saxnasındaǵı mádeniy hám tariyxıy ornımız qumǵa sińgen suwday “joǵalıp” qalǵanın atap ótedi.
Búgin bolsa Ózbekstan qalay jolǵa kirgenin hám bul jerde neler bolıp atırǵanın hámme kórip, sezinip turǵanına isenetuǵının bildiredi:
“Bir názik tárep bar, bunı hámme de ańlap atırǵanına gúmanım bar. Men aldınǵı bir neshe maqalalarımda bildirgen pikirime sadıqpan – uzaq jıllar kóp qıyınshılıqlardı basınan ótkeriwge májbúr bolǵan bul el hám onıń xalqı endi tek ǵana mámleket suverenitetin bekkemlew emes, al umıttırılǵan hám bawırınan suwırıp alınǵan ullı ótmishtiń esteligi, mádeniyatı hám ata-babalarınıń miyrasın tiklew jáne bul maqtanıshlı háreket sıpatında ózligin tabıwǵa, ruwxıy jańalanıwǵa bel bayladı, desem, durıs boladı”, – dep jazadı Q.Rafiqov.

ÓzA