Silteme

Kúni keshe BNY kompaniyasınıń bas kommerciyalıq direktorı Katinka Valstrom sociallıq tarmaqtaǵı betinde Nyu-York qalasında bolıp ótken BMSh Bas Assambleyasınıń 80-sessiyası sheńberinde Ózbekstan Prezidenti Shavkat Mirziyoev penen bolıp ótken ushırasıw óz jámáátiniń keyingi jumısına sezilerli unamlı tásir kórsetetuǵınlıǵın atap ótti.

Katinka Valstrom, BNY kompaniyasınıń bas kommerciyalıq direktorı:

– Nyu-York qalasında bolıp ótken BMSh Bas Assambleyasında qatnasqan Prezident Shavkat Mirziyoev penen júzbe-júz ushırasıw men ushın sheksiz maqtanısh boldı. Mámleket kapital bazarınıń rawajlanıwın izbe-iz qollap-quwatlap atırǵanı, kompaniyamız benen sheriklikti tereńlestiriw tárepdarı ekeni bizdi quwandıradı. Derlik 30 jıldan berli Ózbekstanda jumıs alıp barıp atırǵan BNY mámlekettiń búgingi kúndegi jedel rawajlanıwın tán aladı. Biz endi milliy kapital bazarın rawajlandırıwǵa jáne de kóbirek úles qosamız.

Maǵlıwmat ornında

BNY AQShtıń jetekshi bank-investiciya toparlarınan biri esaplanadı. Aktivlerdi basqarıw, kastod, bahalı qaǵazlar menen islesiw jáne ǵalaba hám jeke menshik qarjılandırıw baǵdarlarında xızmet kórsetedi.

Abduaziz XIDIROV, ÓzAnıń xabarshısı