X áwlad wákilleri (1965-1980-jıllarda tuwılǵanlar) tutınıw bazarında tiykarǵı háreketlendiriwshi kúshke aylandı.
“Report”tıń jazıwınsha, Nielsen izertlew nátiyjelerine bola, tek ǵana AQShtıń ózinde bul áwlad wákilleri (2025-jıl) ónimler hám xızmetlerge jámi 15,2 trillion dollar jumsaydı.

Izertlewshiler X áwladı izbe-izlikti hámme nárseden ústin qoyatuǵının, óz tájiriybesine tiykarlanǵan qararlardı qabıl etetuǵının hám impulsti paydalanıwdan qashıp, puldı ısırap etpewge háreket etetuǵının, yaǵnıy olar kóp pul sarıplasa da paydalı satıp alıwdı abzal kóretuǵının atap ótedi.
Jas áwlad Y-milleniallar (1981-1996-jıllarda tuwılǵanlar) kóbinese jańa tájiriybelerdi qáleydi hám qarjıların usı jolda sarıplaydı, Z-zummerler (1997-2012-jıllarda tuwılǵanlar) bolsa jámiyetlik pikirge tiykarlanıp qarar qabıl etedi.
Esabatta atap ótiliwinshe, Internet keń tarqalıwdan aldın jasaǵan, biraq oǵan tez beyimlesken X áwladınıń tutınıwshı sıpatındaǵı minez-qulqı hám oflayn, hám onlayn maǵlıwmat hám satıp alıw kanalların birlestiriw imkaniyatın beredi.
Qánigelerdiń pikirinshe, bul usaqlap satıwshılar, qarıydarlar ushın imkaniyatlardı keńeytedi, tutınıw hám ekonomikalıq ósiwdi xoshametleydi.

Qaraqalpaqstan xabar agentligi