Tábiyǵıy gaz hám elektr energiyasına bolǵan talaptıń artıwı sistemada ashıq-aydınlıqtıń engiziliwin talap etpekte. Ásirese, bunda támiynatshınıń usı dereklerdi jetkerip beriwi hám tutınıwshı onnan qanshelli aqılǵa uǵras paydalanıwı turaqlı qadaǵalawda bolıwı zárúr.

Búgingi kúnde Bas prokuratura tárepinen respublikada janılǵı-energetika resurslarınan nızamsız paydalanıw jaǵdayların anıqlawǵa qaratılǵan ilajlar dawam etpekte.
Atap aytqanda, Qaraqalpaqstan Respublikası Beruniy rayonında jaylasqan “I.R.” JShJǵa qaraslı avtomobillerge gaz toltırıw kompressor shaqapshası tárepinen 6 milliard 400 million sumlıq tábiyǵıy gaz talan-taraj etilgeni anıqlandı.
Tekseriw nátiyjesinde shaqapshanıń gaz esaplaw úskenelerine sırtqı tásir kórsetiliwi aqıbetinde esaplaǵıshtıń esaplaw mexanizmi durıs islewine tásir etkenligi málim bolǵan.
Bul jaǵday boyınsha tergewge shekemgi tekseriw háreketleri alıp barılmaqta.

Qaraqalpaqstan xabar agentligi.