«The Lancet» – 200 jıldan berli basıp shıǵarılıp kiyatırǵan, medicina tarawında dúnyadaǵı eń abıraylı jurnal bolıp esaplanadı. Onda járiyalanǵan  sońǵı maqalada balalar ragi hám qan kesellikleri boyınsha global dárejede qıstawlı ilajlar kóriw zárúr ekenligi atap ótilgen.

BMSh esabatlarına bola, bul baǵdardaǵı jumıslar tómenlep barmaqta. Sol sebepli, «The Lancet» jurnalı maqalasında jańa qatnaslar, anıq maqsetler hám uzaq múddetli investiciyalar zárúr ekenligine ayrıqsha itibar berilgen.
Maqalada atap ótiliwinshe, búgingi kúnde kem hám orta dáramatlı mámleketlerde teńsizlik úlken qáwip tuwdırmaqta: rak keselligine shalınǵan balalardıń 30 procentten azıraǵı aman qaladı hám oraq tárizli kletkalı anemiya menen awırǵan nárestelerdiń yarımı 5 jasqa jetpey qaytıs boladı.
Usı sharayatta Ózbekstandaǵı reformalar úlgi sıpatında tilge alınǵan:
– Prezident pármanı tiykarında Balalar rak keselligine qarsı gúresiw boyınsha milliy strategiya qabıl etildi;
– Tashkenttegi Xalıqaralıq akademiyalıq oray region boyınsha klinikalıq tájiriybe hám innovaciyalar orayına aylanbaqta;
– emlew, kútim hám kadrlar tayarlawda birden-bir qatnas jolǵa qoyılmaqta.
Bul – Ózbekstanda ámelge asırılıp atırǵan jumıslar global densawlıqtı saqlaw kún tártibine sáykes ekenligin kórsetedi.

ÓzA