Ózbekstan Respublikasınıń Birinshi xanımı, «Zamin» fondı Qáwenderlik keńesi baslıǵı Ziroat Mirziyoeva Nyu-York qalasındaǵı Birlesken Milletler Shólkemi Bas Assambleyası sheńberinde Jáhán densawlıqtı saqlaw shólkemi (JDSSh)niń Bas direktorı doktor Tedros Adxan Gebreesus penen ushırasıw ótkerdi.

Ziroat Mirziyoeva JDSSh basshısına shólkemniń dúnyada medicina hám densawlıqtı saqlawdı rawajlandırıwǵa qosıp atırǵan úlken úlesi, Ózbekstan balaları ragine qarsı dári-dármaqlarınan paydalanıwın támiyinlew boyınsha global platformanı qollap-quwatlaǵanı hám keńeytkeni ushın minnetdarshılıq bildirdi.
Tárepler birge islesiwdi jáne de jedellestiriwge, atap aytqanda, balalar ragin erte anıqlaw, diagnostika hám emlewdiń zamanagóy usılların engiziw, onkologiya hám gematologiya tarawında qánigelerdi tayarlaw hám qayta tayarlaw, sonday-aq, balalar hám olardıń shańaraqlarına reabilitaciya hám ruwxıy-sociallıq járdem kórsetiw imkaniyatların keńeytiwge tayar ekenligin atap ótti.
JDSSh basshısı Ózbekstannıń densawlıqtı saqlaw tarawındaǵı jumıslarına hám áhmiyetli sociallıq hám ekologiyalıq joybarlardı ámelge asırıp atırǵan «Zamin» fondı jumısına joqarı baha berdi.