Sankt-Peterburg qalasında Aziya-Tınısh okeanı regionı mámleketleriniń XIII Xalıqaralıq yuridikalıq forumı shólkemlestirildi.

Onda Ózbekstan Respublikası Joqarǵı sudınıń baslıǵı Baxtiyor Islomov basshılıǵındaǵı delegaciya qatnastı.
Ánjumanda salıqqa baylanıslı huqıqıy qatnasıqlarda xalıqaralıq ekonomikalıq jumıs qatnasıwshılarınıń sud qorǵawı hám sudlar tárepinen bajıxana kelispewshiliklerin kóriwdiń áhmiyetli máseleleri dodalandı.
Delegatlar sudlar tárepinen básekini qorǵaw haqqındaǵı nızamshılıqtı qollanıwdıń milliy tájiriybeleri menen ortaqlastı. Sanaat múlki tarawında sud ámeliyatın úylestiriw máseleleri boyınsha pikir alısıldı.
Ánjuman qatnasıwshıları Ózbekstan sudlarında monopoliyaǵa qarsı nızamshılıqtı qollanıw tájiriybesi hám tovar hám xızmet kórsetiw belgilerine baylanıslı huqıqlardıń sud qorǵaw ámeliyatı menen tanıstırıldı.

N.Abduraimova,
ÓzA