Ózbekstan Respublikası bilimlendiriw shólkemlerine qabıllaw boyınsha Mámleketlik komissiya májilisiniń tiyisli protokolı tastıyıqlandı.

Oǵan bola:
– bakalavriat tálim baǵdarlarında vakant qalǵan orınlar ushın tańlaw ótkeriledi. Onda 56,7 ball hám onnan joqarı nátiyje kórsetken, biraq studentlikke usınıs etilmegen, sonıń ishinde, dizimnen ótiwdiń ekinshi basqıshında joqarı bilimlendiriw shólkemi hám bakalavriat tálim baǵdarların tańlamaǵan abiturientlerge de imkaniyat jaratıladı;
– Kiriw imtixanları nátiyjelerine bola abiturientler ushın differrenciyalastırılǵan tólemli-kontrakt tiykarında oqıwǵa kiriw imkaniyatı jaratıladı;
– respublikada jumıs alıp barıp atırǵan sırt el hám mámleketlik emes joqarı bilimlendiriw shólkemlerine mámleketlik buyırtpalar tastıyıqlandı;
– Qaraqalpaqstan jasları ushın qosımsha grant hám tólemli-kontrakt orınları ajıratıldı.
Sonday-aq, Prezident grantı ushın ajıratılǵan kvotalardıń bilimlendiriw tarawları boyınsha bólistiriliwi hám mámleketlik joqarı bilimlendiriw shólkemleriniń magistratura qánigeliklerine tańlaw nátiyjeleri tastıyıqlandı.

Qaraqalpaqstan xabar agentligi