Ózbekstan Respublikası Investiciyalar, sanaat hám sawda ministrliginde 2025-jıl 8-oktyabrge belgilengen húkimetleraralıq másláhátlesiwine tayarlıq sheńberinde Germaniya Federativlik Respublikasınıń Tashknettegi elshixanasınıń wákilleri menen ushırasıw bolıp ótti.

Tárepler kún tártibin dodalap, processke tiyisli ministrlikler hám uyımlardı jedel tartıw zárúrligin atap ótti. Sonday-aq, densawlıqtı saqlaw, bilimlendiriw, qala qurılısı hám klimat tarawlarındaǵı sheriklik máselelerin kórip shıqtı. Ulıwma 152 million evrolıq joybarlardı qarjılandırıw boyınsha kelisimge qol qoyıwǵa ayrıqsha itibar qaratıldı. Bul hújjette tiyisli grant ajıratılıwı da belgilenedi.
Ushırasıw qatnasıwshıları turaqlı rawajlanıw, zamanagóy texnologiyanı engiziw hám investiciyalıq birge islesiw kólemin keńeytiwge qaratılǵan jańa baslamalardıń áhmiyetin de atap ótti. Bolajaq másláhátlesiw strategiyalıq birge islesiwdi bekkemlew hám birgeliktegi joybarlardı ámelge asırıw jolındaǵı áhmiyetli qádem bolıwı kútilmekte.

M.Pirmatova, ÓzA