Ózbekstan Respublikası Prezidenti Shavkat Mirziyoev 20-sentyabr kúni Birlesken Milletler Shólkemi Bas Assambleyasınıń 80-yubiley sessiyasınıń ilajlarında qatnasıw ushın Nyu-York qalasına keldi.

Jon Kennedi atındaǵı xalıqaralıq aeroportta mámleketimiz basshısın AQSh Prezidentiniń global sheriklikler boyınsha arnawlı wákili Paolo Zampolli, Amerika – Ózbekstan sawda palatasınıń baslıǵı Kerolin Lemm hám basqa da rásmiy shaxslar kútip aldı.
Burın xabar etilgenindey, Ózbekstan Prezidenti BMSh Bas Assambleyası 80-sessiyasınıń ulıwma dodalawlarında shıǵıp sóyleydi, sonday-aq, bir qatar sırt mámleketlerdiń jetekshileri, xalıqaralıq shólkemler hám finanslıq strukturalardıń basshıları menen sóylesiwler ótkeredi.
AQShtıń iri korporaciyalarınıń basshıları menen óz aldına ushırasıwlar hám jetekshi kompaniyalarınıń wákilleri menen dógerek sáwbetinde qatnasıw da rejelestirilgen.

ÓzA