“Korrupciyaǵa qarsı gúresiw tarawında puqaralıq jámiyeti institutlarınıń qatnasın jáne de keńeytiw hám ilimiy izertlewlerdi qollap-quwatlaw ilajları haqqında”ǵı Prezident qararı qabıl etildi.

Qararǵa muwapıq, BMShtıń Korrupciyaǵa qarsı konvenciyası qaǵıydalarınıń orınlanıwın monitoring etiwge mámleketlik emes kommerciyalıq emes shólkemler tartılıp, olar tárepinen alternativ bahalaw sisteması jolǵa qoyıladı.
Sonday-aq, Agentlik hár jılı 1-aprelge shekem Korrupciyaǵa qarsı gúresiw boyınsha milliy keńeske MKShlardıń korrupciyaǵa qarsı gúresiw baǵdarındaǵı joybarları hám olardı tiyisli mámleketlik uyımlar hám shólkemler tárepinen qarjılandırıw boyınsha usınıslardı kirgizip baradı.
Korrupciyaǵa qarsı gúresiwde puqaralıq jámiyeti institutlarınıń qatnasıwı, sonıń ishinde, olar tárepinen ámelge asırılǵan joybar, izertlew hám úyreniwler haqqında málimleme berip baradı.
Bunnan tısqarı, “Korrupciyaǵa qarsı gúresiw mashqalaları boyınsha regionallıq izertlew orayı” mámleketlik emes kommerciyalıq emes shólkemi shólkemlestiriledi.
Xalıqtıń, ásirese, jaslardıń, puqaralıq jámiyeti institutlarınıń korrupciyaǵa qarsı gúresiwdegi belsendiligin arttırıw, jámiyette bul illetke qarsı mawasasız múnásibetti qáliplestiriw máselelerin izertlew usı oraydıń tiykarǵı wazıypalarınan biri etip belgilendi.

N.Abduraimova,
ÓzA