Ózbekstannıń ekonomikalıq turmısında juwapkershiligi sheklengen jámiyetler (JShJ) jetekshi shólkemlestiriwshilik-huqıqıy forma bolıp qalmaqta.

Milliy statistika komitetiniń maǵlıwmatlarına bola, 2025-jıl 1-sentyabr jaǵdayına respublikamızda jámi 399 mıń 597 kommerciyalıq kárxana jumıs alıp barmaqta. Sonnan 310 mıń 307i JShJ bolıp, bul ulıwma kárxanalar sanınıń 77,7 procentin quraydı.
JShJlar sanı sońǵı aylar dawamında turaqlı ósip barmaqta. 2025-jıldıń 1-may jaǵdayında olardıń sanı 292 mıń 885, 1-avgustta bolsa 306 mıń 227 bolǵan. Tek ǵana tórt ay ishinde bul kórsetkish 17 mıńnan aslam kárxanaǵa kóbeydi. Bunday turaqlı ósiw mámlekette isbilermenlik jumısı ushın jaratılıp atırǵan sharayatlar barǵan sayın qolaylasıp atırǵanınan dárek beredi.
Kommerciyalıq kárxanalardıń shólkemlestiriwshilik-huqıqıy formalarına qaraǵanda, JShJlar absolyut jetekshilikti saqlap qalmaqta. Salıstırıw ushın:
Jeke kárxanalar – 48 002 (12,0 procent).
Shańaraqlıq kárxanalar – 37 434 (9,4 procent).
Akcionerlik jámiyetleri – 627 (0,1 procent).
Basqa formalar – 3 227 (0,8 procent)
Bul JShJ túri kóplegen isbilermenler ushın eń qolaylı, beyimlesiwsheń hám huqıqıy jaqtan maqul jol ekenin kórsetedi.

Hamroz Bayanov, ÓzAnıń xabarshısı