Usı jıldıń ótken aylarında turistlik maqsetlerde sırt elge sapar etken ózbekstanlılardıń sanı 3,5 millionǵa jetken.

Búgingi kúnde sayaxat ushın eń kóp tańlanǵan jónelisler qońsı mámleketler bolsa da, uzaq aralıqqa bolǵan qızıǵıwshılıq ta artpaqta. Milliy statistika komitetiniń maǵlıwmatlarına bola, bıyıl watanlaslarımız arasında Ullı Britaniya hám Polsha menen bir qatarda Yaponiyaǵa sayaxat etiw kólemi artpaqta.
Sonıń ishinde, 2025-jıldıń yanvar-iyul aylarında jámi 1,7 mıń Ózbekstan puqaraları turistlik maqsetlerde Yaponiyaǵa sapar etken. Bul kórsetkish ótken jıldıń usı dáwiri menen salıstırǵanda 663 adamǵa yamasa 1,6 esege artqan.
Usı jıldıń 7 ayında Yaponiyaǵa barǵan Ózbekstan puqaraları sapar maqsetleri boyınsha tómendegishe bólistirilmekte. Atap aytqanda, sayaxat ushın 1 mıń 407, tuwısqanların kóriw ushın 196, oqıw ushın 103, xızmet babında 28, emleniw ushın 4 puqara Yaponiyaǵa barǵan.
Olardıń atap ótiwinshe, Yaponiya sapar ushın qolaylı, tınısh hám xalqı mádeniyatlı mámleket bolıp esaplanadı.

Gulnoza Boboeva, ÓzA