Nyu-York qalasında jaylasqan Birlesken Milletler Shólkemi (BMSh) Bas rezidenciyasında “Jańa Ózbekstan: Shavkat Mirziyoev jolı” atamasındaǵı kitaptıń prezentaciyası ótkerildi.

Onda BMSh basshılıǵı, xalıqaralıq shólkemler hám diplomatiyalıq korpus wákilleri, puqaralıq jámiyeti belsendileri hám jurnalistler qatnastı.
Prezentaciyada Jańa Ózbekstandaǵı reformalardıń mazmun-mánisi, olardıń tiykarǵı basqıshları hám baǵdarları haqqında sóz boldı.
Ilaj qatnasıwshıları tárepinen Ózbekstandaǵı reformalar “siyasiy mártlik, strategiyalıq qatnas hám sociallıq baǵdarlanǵanlıq”tı birlestirgen kompleksli transformaciya sıpatında joqarı bahalandı.
Mámleketimizdegi ózgerisler barlıq áhmiyetli tarawlar – mámleketlik basqarıw, sud-huqıq sisteması, bilimlendiriw, densawlıqtı saqlaw hám sanlı rawajlanıwdı qamtıp alıp atırǵanı atap ótildi.
Shıǵıp sóylegen BMSh, bir qatar sırt mámleketlerdiń wákilleri hám jurnalistler Ózbekstanda júz berip atırǵan keń kólemli siyasiy hám sociallıq reformalardı tán aldı.
Atap ótilgenindey, bul unamlı ózgerisler tek ǵana Ózbekstan ushın emes, al pútkil Oraylıq Aziya regionınıń turaqlı rawajlanıwı ushın úlken áhmiyetke iye bolmaqta.

N.Abduraimova,
ÓzA