Házirgi waqıtta mámleketimizde jeti tiykarǵı baǵdardı óz ishine alǵan “Kámbaǵallıqtan abadanlıqqa qaray” baǵdarlaması ámelge asırılmaqta.

Bárinen burın, kámbaǵal xalıqtı tek ǵana jumısqa jaylastırıw emes, al turaqlı jumıs orınların kóbeytip, adamlar turaqlı dáramat dáregine iye bolıwı ushın sharayat jaratılmaqta.
Qolaylı isbilermenlik ortalıǵı esabınan ótken segiz jılda 700 mıń isbilermen óziniń turaqlı biznesine iye boldı.
– Itibarlısı, mámleket bizneske sharayat jaratıp berip atır, isbilermenler bolsa ózine sociallıq juwapkershilik alıp, mútáj xalıqtı jumıslı hám dáramatlı etiwde járdemlespekte. Mine, usınday nátiyjeli birge islesiw sebepli usı jıldıń ózinde 270 mıńnan aslam kámbaǵal shańaraq aǵzası turaqlı jumıslı boldı, – dedi Prezident.
Elimizde kámbaǵallıqtı qısqartıw, xalıqtıń dáramatların kóbeytiw boyınsha xalıqaralıq shólkemler hám abıraylı finans institutları menen jedel birge islespekte. Bul baǵdarda Islam rawajlanıw banki menen birgelikte awıllarda jasaw sharayatın jaqsılaw, jol qurılısı, medicina hám bilimlendiriw xızmetlerin keńeytiw boyınsha 5 milliard dollarlıq joybarlar ayrıqsha áhmiyetke iye ekeni atap ótildi.

ÓzA