Mámleketimizde ámelge asırılıp atırǵan izbe-iz reformalar sebepli 7,5 million xalıq kámbaǵallıqtan shıǵarılıp, kámbaǵallıq dárejesi 2024-jılı 8,9 procentke túsirildi. Jıldıń aqırına shekem onı 6 procentke shekem azaytıw maqset etilgen.

Bunday nátiyjege erisiwde ótken dáwirde Ózbekstan ekonomikası 2 esege óskeni, jıldıń juwmaǵı menen jan basına dáramat 3,5 mıń dollarǵa jetiwi áhmiyetli faktor bolıp xızmet etpekte.
Prezidentimizdiń atap ótkenindey, jańa baslama hám tájiriybelerdi sınaqtan ótkerip, dúnyadaǵı unamlı jetiskenliklerdi úyrenip, kámbaǵallıqtı qısqartıw boyınsha Jańa Ózbekstan modeli jaratıldı.
Bárinen burın, ótiw dáwiriniń áhmiyetli instrumenti bolǵan mánzilli sociallıq dápterler engizilip, barlıq járdemge mútáj shańaraqlar qamtıp alındı.
Máselen, pandemiya dáwirinde 800 mıń shańaraqqa biypul dári-dármaq, 255 mıń shańaraqqa azıq-awqat ónimleri, jáne 1 million 200 mıń shańaraqqa sociallıq napaqalar berildi.
Nátiyjede 5 million 200 mıń adam “kámbaǵallıq qaqpanı”na túsip qalıwdan qorǵap qalındı hám sonıń menen birge, ekonomikalıq recessiyanıń aldı alındı.

ÓzA