Mámleketlik qáwipsizlik xızmeti Qaraqalpaqstan Respublikası basqarması hám IIM xızmetkerleri birgelikte korrupciyaǵa qarsı gúresiw baǵdarında operativ ilajlar ótkermekte.

Bas prokuratura janındaǵı Ekonomikalıq jınayatlarǵa qarsı gúresiw departamenti Qaraqalpaqstan Respublikası basqarmasınıń xızmetkerleri menen birgelikte ótkerilgen usınday ilajlar dawamında Respublika qıstawlı medicinalıq járdem ilimiy orayı Qaraqalpaqstan filialınıń xızmetkeri Z.K. puqara A.A.nı usı filialǵa jumısqa jaylastırıwdı wáde etip, onnan 32 million sumdı para sıpatında alǵan waqtında ayǵaqlı dáliller menen uslandı.
Házirgi waqıtta bul jaǵday boyınsha Ózbekstan Respublikası jınayat kodeksiniń tiyisli statyaları menen jınayat isi ashılıp, tergew háreketleri alıp barılmaqta.

Qaraqalpaqstan xabar agentligi