Balalardı zorlıqtan qorǵaw sistemasın jetilistiriwge qaratılǵan nızam joybarı menen Jınayat kodeksi hám Hákimshilik juwapkershilik haqqındaǵı kodekske balalardı jınısıy zorlıqlardan qorǵaw, balalar súwretlengen pornografiyalıq ónimlerdi saqlaǵanı ushın juwapkershilikti belgilewdi názerde tutatuǵın ózgerisler kirgizilmekte.

Sonday-aq, Jınayat-processual kodeksine jas óspirim gúwalardı sorawdan ótkeriw múddetlerin anıq belgilewshi ózgerisler kirgizilmekte. Oǵan bola, jas óspirimlerdi jábirleniwshi yamasa gúwa sıpatında sorawǵa alıw múddetiniń dawamlılıǵı 1 kún etip belgilenbekte. Sonıń menen birge, bul processte olarǵa juwapker shaxslar da birgelikte qatnasıwı múmkin ekenligi názerde tutılmaqta.
Bul nızam joybarı parlament tómengi palatasınıń májilisinde ekinshi oqıwda statyama-statya kórip shıǵıldı. Atap ótilgenindey, joybardı ekinshi oqıwǵa tayarlaw dawamında juwapker komitet tárepinen frakciyalar, jumısshı topar aǵzaları, huqıqtanıwshı hám ilimpazlardıń qatnasıwında bir qatar májilisler, seminarlar ótkerildi. Berilgen usınıslar tereń tallanıp, olar tiykarında hújjettiń teksti jetilistirildi.
Názerde tutılıp atırǵan normalar balalardıń huqıqların qorǵaw kepilliklerin kúsheytiwge xızmet etetuǵını atap ótilip, nızam joybarı ekinshi oqıwda qabıl etildi.

Muhtarama Komilova,
Asliddin Alijonov (súwret),
ÓzA