Májbúriy orınlaw byurosı Qaraqalpaqstan Respublikası basqarması hám onıń aymaqlıq bólimleri tárepinen sud qararlarına tiykarlanıp, basqarıw servis kompaniyaları paydasına qarızdarlıqlardı óndiriw baǵdarında bir qatar ilajlar ámelge asırılmaqta.

Atap aytqanda, bıyılǵı jılı bul baǵdarda 1 milliard 80 million sumlıq 1 mıń 246 orınlaw hújjeti kelip túsken bolıp, orınlaw háreketleri dawamında 1 mıń 66 orınlaw hújjeti tamamlanǵan hám 435 million sumnan aslam qarızdarlıq óndirilgen.
Qaldıqtaǵı orınlaw hújjetleri boyınsha jámi 62,2 million sumlıq bir kóshpes múlk elektron onlayn aukcionǵa shıǵarılǵan.
Sonday-aq, 59 hújjet boyınsha 100 million sumǵa shamalas qarızdı óndiriw qarızdarlardıń miynet haqılarına qaratılǵan hám 19,9 million sum qarızı bolǵan 5 qarızdardıń shıǵıw huqıqları sheklendi. Orınlaw hújjeti talapların orınlamaǵan 22 qarızdarǵa 42 million 500 mıń sumlıq hákimshilik járiymalar qollanıldı.
Búgingi kúnde bunday ilajlar dawam ettirilmekte.

Qaraqalpaqstan xabar agentligi