“Ózbekstan – Armeniya” parlamentleraralıq doslıq toparı aǵzalarınıń onlayn ushırasıwı bolıp ótti.

Onda eki mámleket arasındaǵı parlamentleraralıq qatnasıqlardı bekkemlew, nızam dóretiwshiligi jumısında óz-ara tájiriybe almasıw, birge islesiwdiń jańa baǵdarların belgilew sıyaqlı máseleler dodalandı.
Ózbekstan hám Armeniya arasındaǵı doslıq qatnasıqlar bekkemlenip atırǵanı atap ótilip, olar bekkem tariyxıy tiykarlarǵa iye ekeni jáne óz-ara húrmet hám isenim principleri tiykarında rawajlanıp atırǵanı ayrıqsha atap ótildi.
Tárepler sawda-ekonomikalıq, investiciyalıq, mádeniy-gumanitarlıq tarawlarda birge islesiw potencialı joqarı ekenin atap ótip, parlamentleraralıq sóylesiw arqalı bul baǵdarlarda birgeliktegi baslamalardı ámelge asırıw zárúr ekenligine itibar qarattı.
Bilimlendiriw hám turizm tarawında birgeliktegi baǵdarlamalardı jolǵa qoyıw, universitetler hám ilimiy oraylar arasında akademiyalıq baylanıslardı rawajlandırıw boyınsha usınıslar alǵa qoyıldı.

N.Abduraimova, WzA