Nókis rayonında «Taqırkól» awıl puqaralar jıyını aymaǵındaǵı «Diana Mardana» fermer xojalıǵında piyaz hám chesnok eginlerin egiwge arnalǵan kórgizbeli seminar shólkemlestirildi.

Seminarǵa Qaraqalpaqstan Respublikası Fermerler kenesi baslıǵınıń orınbasarı Paxratdin Bekanov, Nókis rayonı fermerler Keńesi janındaǵı fermer xojalıqlarında buxgatleriya esabı hám esabatın júrgiziw orayı direktorı Rasbergen Embergenov, agronomlar, awıl xojalıǵı xızmetkerleri hám fermerler qatnastı.
Onda Qaraqalpaqstan sharayatında piyaz hám chesnok egiw usılları, múddetleri hám islenetuǵın agrotexnikalıq ilajlar aytıp ótildi.
Sonday-aq, seminar qatnasıwshıları Diana Mardana fermer xojalıǵında egilgen piyaz maydanların kózden ótkerip, ózleriniń qızıqtırǵan sorawlarına juwap aldı.

Qaraqalpaqstan xabar agentligi