Joqarı bilimlendiriwdegi reformalardan tiykarǵı maqset Ózbekstandı regionallıq bilimlendiriw hám ilim orayına aylandırıw ekeni atap ótildi.

Máselen, házirgi waqıtta 4 joqarı oqıw ornı dúnyadaǵı TOP-mıńlıqqa kirgen. Jaqın jıllarda olardıń sanı 10 ǵa jetkeriledi.
Sonıń menen birge, joqarı oqıw orınlarımızda sırt el TOP-500 ligine kiretuǵın universitetler menen málimleme texnologiyaları, jasalma intellekt, agrotexnologiya, medicina, “jasıl” energetika sıyaqlı áhmiyetli baǵdarlarda birgeliktegi bilimlendiriw baǵdarlamaları jolǵa qoyıladı.
Bunnan tısqarı, sırt eldegi TOP-100ge kirgen joqarı oqıw orınlarınıń filialları ashıladı.
Bul maqsetlerge erisiw ushın kelesi jılı 10 nan aslam xalıqaralıq shólkemler, 500 abıraylı joqarı oqıw ornı rektorları, 1 mıńnan aslam xalıqaralıq ekspertlerdiń qatnasıwında Oraylıq Aziya xalıqaralıq bilimlendiriw forumı ótkeriledi.
Sırt elli studentlerdiń sanı 5 esege arttırılıp, bilimlendiriw eksportı 200 million dollarǵa jetkeriledi.

ÓzA