Biraq Ózbekstanda bul telefonlardıń bahası ádewir joqarı boladı. Nege? Keliń, bunı ápiwayı tilde túsindirip bereyik.

2025-jıl 1-maydan baslap, bajıxana nızamshılıǵında áhmiyetli ózgeris kúshke kirdi:

Eger siz shetten telefon alıp kirmekshi bolsańız, maksimal bajısız limit endi 2 mıń dollardan 1 mıń dollarǵa túsirildi.
Yaǵnıy, 1000 dollardan qımbat telefon alıp kirseńiz, artqan summanıń 30 procentin bajıxana tólemi sıpatında tóleysiz.
Bunnan tısqarı, hár bir iPhonedı Ózbekstanda paydalanıw ushın IMEI -kodın dizimnen ótkeriw kerek
Eger siz telefondı jasırın alıp kirseńiz hám bajıxana deklaraciyasına kirgizbeseńiz, keyin ala onı dizimnen ótkeriwde de tolıq bajı bahasınıń 30 procentin tólewge tuwra keledi.
Endi iPhone 17 bahalarına názer taslayıq:
iPhone 17 (799 $) – shama menen 10,3 mln sum
iPhone 17 Pro (999$) – 12,8 mln sum
iPhone 17 Pro Max (1 199 $) – 16 million swm
Bul tek shetten alıp kelinse ǵana. Rásmiy dúkanlarda bul bahalar jáne de joqarı bolıwı múmkin.
Demek, jańa iPhone alıp kelmekshisiz?
Nızamshılıqtaǵı jańa ózgerislerdi esapqa alıń, bolmasa kútilmegen qárejetlerge dus keliwińiz múmkin.

Madinabonu NASRIEVA,
Iskandar ISMATOV,
ÓzAnıń xabarshıları