Qatar paytaxtı Doxa qalasında Ózbekstan Respublikası sırtqı isler ministri Baxtiyor Saidov tájikstanlı kásiplesi Sirojiddin Muhriddin menen ushırastı.

Tárepler regionallıq birge islesiwdi jáne de tereńlestiriw, sawda-ekonomikalıq hám mádeniy baylanıstı keńeytiw perspektivası, sonday-aq, áhmiyetli wazıypalardı sheshiw baǵdarındaǵı birgeliktegi jumıslardı dodaladı.
B.Saidovtıń sózlerine bola, eki tuwısqan mámleket strategiyalıq sheriklik hám awqamlaslıq qatnasıǵın izbe-iz bekkemlemekte.
Sırtqı isler uyımınıń basshıları Oraylıq Aziyada tınıshlıq, turaqlılıq hám qońsıshılıq baylanısların alǵa qoyıw boyınsha ulıwma sadıqlıqtı tastıyıqlap, birgeliktegi háreketlerdiń region xalıqları ushın abadanlıq hám qáwipsizlik tiykarı sıpatındaǵı áhmiyetin atap ótti.

A.Alimova, ÓzA