Prezident qararı (PQ-275-sanlı) menen “Ózbekstan Respublikası Prezidenti Administraciyası janındaǵı Bilimlendiriwdiń sapasın támiyinlew milliy agentligi haqqında”ǵı reje tastıyıqlandı.

Reje Bilimlendiriwdiń sapasın támiyinlew milliy agentliginiń statusı, wazıypa hám funkciyaları, wákillikleri, huqıq hám minnetlemeleri, jumısın shólkemlestiriw tártibin belgileydi.
Agentlik orta arnawlı, kásiplik, joqarı hám joqarı bilimlendiriwden keyingi bilimlendiriw, kadrlardı qayta tayarlaw hám olardıń mamanlıǵın arttırıw, mamanlıqlardı bahalaw tarawlarında sırtqı sapa qadaǵalawın ámelge asırıwshı arnawlı wákillikli mámleketlik uyım esaplanadı.
Agentliktiń tiykarǵı wazıypaları tómendegiler bolıp tabıladı, atap aytqanda:
– bilimlendiriw shólkemlerinde ishki sapa qadaǵalawı normaları menen tártiplerin jetilistiriw hám nátiyjeli ámelge asırıw boyınsha metodikalıq usınıslar beriw;
– bilimlendiriw shólkemlerinde bilimlendiriwdiń sapasın támiyinlewge qaratılǵan ilajlardıń nátiyjeliligin úyreniw boyınsha ilimiy hám ámeliy izertlewler alıp barıw hám sorawnamalar ótkeriw.
Agentlik strukturasına Agentliktiń oraylıq apparatı hám Milliy mamanlıq sistemasın rawajlandırıw institutı kiredi.

U.Qurbonov, ÓzA