“Milliy tiklanish” demokratiyalıq partiyası Oraylıq keńesinde EQBSh Demokratiyalıq institutlar hám insan huqıqları boyınsha byurosınıń Saylaw departamenti wákilleri menen ushırasıw bolıp ótti.

Partiya Oraylıq keńesi baslıǵınıń orınbasarı Feruza Muhammedjanova miymanlardı “Milliy tiklanish”tiń saylawlardan keyingi jumısı menen tanıstırıp, partiya konstituciyalıq reformalardıń baslamashılarınan biri sıpatında mámlekettiń siyasiy maydanında “Qádiriyatlarǵa súyengen rawajlanıw” ideyası tiykarında jedel háreket etip atırǵanın atap ótti.
– Partiya jámiyettiń siyasiy katalizatorı ekeninen kelip shıǵıp, partiyamız janında birinshi márte “Aqıl orayı” shólkemlestirildi. Oray deputatlardıń jumısın bahalaw boyınsha reyting indikatorların islep shıǵıw boyınsha dáslepki izertlew alıp barılmaqta. Maqset – deputatlıq korpus jumısın jańa basqıshqa kóteriw hám mámleket hám xalıq arasında isenimli kópir bolıw,-dedi F.Muhammedjonova.
EQBShnıń Saylaw departamenti baslıǵınıń orınbasarı Ulvi Axundlu “Milliy tiklanish” óziniń maqset-wazıypalarınan kelip shıǵıp, kóplegen ámeliy baslamalar menen shıǵıp atırǵanı tán alıwǵa ılayıq ekenin hám bul partiyanıń jámiyetlik turmıstaǵı tikkeley qatnası hám tásirinen dárek ekenin atap ótti. Sonday-aq, siyasiy processlerge xalıqaralıq standartlar tiykarında qatnas jasaw boyınsha óz pikir-usınısların bildirdi.
Sóylesiwde tárepler ózlerin qızıqtırǵan bir qatar máseleler boyınsha da pikir alıstı.

M. Komilova, ÓzA