Ózbekstan Respublikası Prezidenti Shavkat Mirziyoev 12-sentyabr kúni Qatar Mámleketiniń Ámiri Shayx Tamim bin Hamad Ol Soniy menen telefon arqalı sóylesti.

Ózbekstan – Qatar strategiyalıq sheriklik hám kóp tárepleme birge islesiw qatnasıqlarınıń áhmiyetli máseleleri kórip shıǵıldı.
Sóylesiw aldında mámleketimiz basshısı jaqında Izrail tárepinen Qatar paytaxtı Doxa qalasına uyımlastırılǵan raketa hújimlerin keskin qaraladı. Qatardıń ǵárezsizligin hám suverenitetin buzatuǵın, onıń qáwipsizligine qáwip tuwdıratuǵın bunday kewilsiz is-háreketler Birlesken Milletler Shólkemi Ustavı, xalıqaralıq huqıqtıń tiykarǵı qaǵıydaları menen principlerine qayshı keletuǵını atap ótildi.
Ózbekstan xalıqaralıq qatnasıqlarda kúsh isletiwdiń hár qanday túrine hám Jaqın Shıǵıstaǵı jaǵdaydı jáne de keskinlestiriwge alıp keletuǵın qádemlerge qarsı ekeni atap ótildi.
Ózbekstan Prezidenti Qatardıń baslaması menen shaqırılıp atırǵan gezeksiz arab-islam sammitiniń tabıslı ótiwin tiledi.
Qatar Mámleketi Ámiri, óz gezeginde, kórsetilgen tilekleslik hám qollap-quwatlaǵanı ushın tereń minnetdarshılıq bildirdi.
Telefon arqalı sóylesiw waqtında jedel siyasiy baylanıslardı dawam ettiriw hám eki mámleket jetekshi kompaniyalarınıń kooperaciyalıq joybarların jedellestiriw boyınsha óz-ara muwapıqlasqan ilajlar kóriw máseleleri de dodalandı.

ÓzA