“Awıl xojalıǵına mólsherlengen jerlerde ónim jetistiriwdiń úzliksizligin támiyinlew hám jerden paydalanıw nátiyjeliligin arttırıw boyınsha qosımsha ilajlar haqqında”ǵı Prezident pármanı (PP-172-sanlı) qabıl etildi.

Pármandı qabıl etiwden gózlengen tiykarǵı maqsetler etip tómendegiler belgilendi, atap aytqanda:
– rayon (qala) hákimlikleri qaramaǵındaǵı bos turǵan jer uchastkaların tolıq esapqa alıw hám realizaciyalaw;
– awıl xojalıǵına mólsherlengen jerlerdi qayta ijaraǵa beriw sistemasın jetilistiriw.
Pármanǵa bola, awıl xojalıǵına mólsherlengen jerlerdiń ijarashılarına jer uchastkalarınıń bir bólegine baylanıslı ijara shártnaması boyınsha óz huqıq hám minnetlemelerin basqa shaxsqa ótkeriw (qayta ijaraǵa beriw) huqıqı beriledi.
Bul jerlerdiń iyeleri hám paydalanıwshılarına jer uchastkalarına bolǵan iyelik etiw hám paydalanıw huqıqların xalıq deputatları rayonlıq (qalalıq) Keńesleriniń qararı tiykarında ijara huqıqına ózgertiw imkaniyatı beriledi.
Onda jerge iyelik etiw hám paydalanıw huqıqı ijara huqıqına ótkerilgende ijara múddeti tómendegishe etip belgilendi:
– Ózbekstan puqaraları hám olar shólkemlestirgen yuridikalıq tárepler ushın – 30 jıl;
– sırt el investiciyaları qatnasıwındaǵı kárxanalar ushın – 25 jıl.

U.Qurbonov, ÓzA