Ózbekstan sırtqı siyasat uyımınıń basshısı Baxtiyor Saidovtıń Qazaqstan Bas ministriniń orınbasarı, sırtqı isler ministri Murat Nurtleu menen telefon arqalı sóylesiwi waqtında eki tárepleme birge islesiwdi bunnan bılay da rawajlandırıwǵa baylanıslı áhmiyetli máseleler hám usı baǵdardaǵı perspektivalar dodalandı.

Sóylesiw waqtında joqarı dárejede erisilgen kelisimlerdi turmısqa engiziw dıqqat orayında bolǵan.
Óz-ara doslıq hám jaqsı qońsıshılıq ruwxında strategiyalıq sheriklik hám awqamlaslıq qatnasıǵın hár tárepleme bekkemlewge óz-ara tayarlıq tastıyıqlanǵan.
Bunnan tısqarı tárepler regionallıq birge islesiwdi tereńlestiriw hám Oraylıq Aziyada turaqlılıqtı bekkemlew jolındaǵı háreketti jedellestiriw, sonday-aq, xalıqaralıq kún tártibindegi áhmiyetli máseleler, sonıń ishinde, Jaqın Shıǵıstaǵı jaǵday boyınsha “sáykes baqlaw” áhmiyetli ekenligin maqulladı.
Ministrler usı jıldıń aqırına shekem rejelestirilgen ilajlardı ayrıqsha kórip shıqqan.

ÓzA