Senattıń Xalıqaralıq qatnasıqlar, sırtqı ekonomikalıq baylanıslar, sırt el investiciyaları hám turizm máseleleri komitetinde Ózbekstan Eksportyorlar awqamınıń wákilleri hám eksport penen shuǵıllanıwshı isbilermenler menen ushırasıw bolıp ótti.

Ushırasıwda eksportyorlarǵa jaratılıp atırǵan sharayatlar hám berilgen jeńillikler, jergilikli ónimler eksportınıń kólemin arttırıwda nızamshılıq bazasın jetilistiriw, sırt ellerde sawda úyleri hám qoymaxanalar shólkemlestiriw, transport hám logistika máseleleri, sonday-aq, Ózbekstan ónimlerine sertifikatlar alıwda Senattıń ámeliy járdemi máseleleri hár tárepleme dodalandı.
“Ózbekstan – 2030” strategiyasında 2026-jılǵa shekem milliy eksport kólemin 30 milliard AQSh dollarına jetkeriw wazıypası belgilengeni, isbilermenlik elimizde izge qaytpas kúshke aylanǵanı, “Made in Uzbekistan” brendin dúnyaǵa tanıtıw maqsetinde sırt elde ótkerilip atırǵan kórgizbelerde qatnasıw ushın mámleket tárepinen barlıq zárúr sharayatlar jaratılǵanı ayrıqsha atap ótildi.
Ilaj juwmaǵında mámleketimiz eksportyorların parlament dárejesinde qollap-quwatlaw, isbilermenlik subektlerine ekonomikalıq potencialın arttırıw hám eksporttı keńeytiw baǵdarında hár tárepleme járdemlesiw jáne nátiyjeli birge islesiwdi jolǵa qoyıw boyınsha kelisimge erisildi.

N.Abduraimova, ÓzAnıń xabarshısı