Oliy Majlis Senatına Oraylıq Aziya mámleketleri ombudsmanlarınıń birinshi xalıqaralıq forumı sheńberinde Qazaqstan, Qırǵızstan, Tájikstan, Túrkmenstan hám Ózbekstan balalar ombudsmanları, sonday-aq, Norvegiya, Xorvatiya hám Evropa balalar ombudsmanları tarmaǵına (ENOC) basshılıq etip atırǵan Finlyandiya balalar ombudsmanları keldi.

Senat Baslıǵı Tanzila Norboeva menen ushırasıwda balalar huqıqların qorǵawdıń nızamlı tiykarları hám bul tarawda parlamentlik qadaǵalawdıń nátiyjeli ámelge asırılıwı ayrıqsha atap ótildi.

Mámleketimizdiń bala huqıqların qorǵaw boyınsha tájiriybesi, sonıń ishinde, parlamentte Bala huqıqları boyınsha wákildiń hár jılı balalardıń jaǵdayı hám nızamshılıq jaǵdayı haqqındaǵı esabatın usınıwı basqa mámleketler ushın úlgi sıpatında tán alındı.

Bala huqıqların qorǵawda xalıqaralıq shólkemler menen birge islesiw hám olar usınǵan ilajlardı ámelge asırıwda parlament, mámleketlik hám mámleketlik emes shólkemlerdiń belsene qatnasıwı boyınsha pikir alısıldı.

ÓzA