2025-2026-jılǵı jılıtıw máwsiminde járdemge mútáj xalıqtı qollap-quwatlaw maqsetinde usı jıldıń noyabr ayında 1 million sum muǵdarında bir mártelik materiallıq járdem beriledi.

Sonıń ishinde, “Sociallıq qorǵawdıń birden-bir reestri” arqalı balalar napaqası yamasa materiallıq járdem alıwshı shańaraqlar, “Kámbaǵal shańaraqlar reestri”ndegi shańaraqlar, “Máhálle jetiligi” tárepinen qáliplestirilgen qosımsha dizimge kirgizilgen shańaraqlar járdem alıwshı kategoriyalar bolıp esaplanadı.
Sonday-aq, qosımsha dizimge tómendegi kategoriyadaǵı shańaraqlar ústinlik tártibinde kirgiziledi: baǵıwshısın joǵaltqan, I yamasa II topar mayıbı bolǵan aǵzası bar, mayıplıǵı bolǵan balanı kútip atırǵan, jılıtıw sisteması joq kóp qabatlı turaq jaylarda jasaytuǵın, 3 hám onnan aslam shańaraq bir kvartirada jasaytuǵın, awır kesellikke shatılǵan nawqastı kútip atırǵan, jalǵız keksesi yamasa mayıplıǵı bolǵan puqaralar.
Usı kategoriyaǵa tiyisli xalıq wákilleri usı jıl 25-sentyabrge shekem “Máhálle jetiligi”ne múrájat etiwi múmkin. Bul haqqında Sociallıq qorǵaw milliy agentligi málimleme xızmeti xabar berdi. Bul ilajlar xalıqtı sociallıq qollap-quwatlawǵa xızmet etedi.

M.Komilova,
ÓzA