Milliy gvardiyanıń ÓzAǵa maǵlıwmat beriwinshe, usı jıldıń 10-sentyabr kúni Nókis dala oqıw maydanında ámeliy oqıw shınıǵıwı shólkemlestirilgen.

Shınıǵıw dawamında oqıw shınıǵıwı ushın mólsherlengen jarılıwshı arnawlı quralınıń detonaciya shnurınıń jarılıwı nátiyjesinde kishi jarılıw júzege kelip, shınıǵıw qatnasıwshılarınan 10 ǵa shamalas áskeriy xızmetker hár qıylı dárejedegi dene jaraqatların alǵan. Olarǵa óz waqtında birinshi medicinalıq járdem kórsetilgen hám házirgi waqıtta kórilgen zárúr ilajlar nátiyjesinde áskeriy xızmetkerlerdiń densawlıǵı tiklenbekte.
Jaǵday boyınsha bolsa xızmet tekseriwi tayınlanǵan, házirgi waqıtta juwapker basshılar tárepinen úyreniw jumısları alıp barılmaqta.

ÓzA