Mámleketimiz basshısınıń “Sud-ekspertlik jumısın bunnan bılay da jetilistiriw hám tarawǵa zamanagóy texnologiyalardı keńnen engiziw ilajları haqqında”ǵı qararı qabıl etildi.

Bul qarar sud-ekspertlik sistemasın rawajlandırıwda áhmiyetli qádem boldı. Atap aytqanda, Sud-tergew uyımları hám sud-ekspertiza shólkemleri arasında hújjetler almasıwı “E-ekspertiza” platforması arqalı basqıshpa-basqısh elektron túrde ámelge asırılatuǵını belgilendi.
Bul sistemanıń jolǵa qoyılıwı nátiyjesinde izertlewlerdi ótkeriw múddeti 8-15 kúnge qısqaradı hám jılına 9-10 milliard sum qarjı únemlenedi.
Ádillik ministrligi tárepinen Xadicha Sulaymanova atındaǵı Respublikalıq sud-ekspertiza orayında ótkerilgen baspasóz konferenciyasında bul haqqında sóz etildi.
Advokatlarǵa hákimshilik huqıqbuzarlıqqa baylanıslı islerdi júrgiziwde shártnamaǵa muwapıq advokat sorawı tiykarında ekspertiza ótkeriw huqıqı berildi.
Bunnan tısqarı, qarar menen aymaqlarda ótkeriletuǵın ekspertizalar túrlerin kóbeytiw arqalı oraylastırıw máselesi sheshildi.
Ilaj dawamında qatnasıwshılar oraydıń jumısı menen jaqınnan tanıstı.
Ámelge asırılıp atırǵan jumıslar, atap aytqanda, orayda shólkemlestirilgen muzey hám laboratoriyalar, bólimlerdiń jumısı, jaratılǵan imkaniyatlar menen tanısıw qatnasıwshılarda úlken tásir qaldırdı.

N.Abduraimova, ÓzA