Huqıqıy qatnas

Bizge belgili, jurnalist mámleketlik uyım, jámiyetlik birlespe hám shólkem janında akkreditaciyalanıwı múmkin. Ózbekstan Respublikasınıń jurnalisti sırt elde akkreditaciyalanadı.

Sırt el jurnalisti Ózbekstan Respublikası Sırtqı isler ministrligi menen kelisilgen halda Ózbekstan Respublikası aymaǵında akkreditaciyalanıwı múmkin.
Akkreditaciyalanǵan jurnalist huqıqları haqqında Yuridikalıq klinika baslıǵı Otabek Narziev tómendegilerdi málim etti:
– “Jurnalistlik jumıstı qorǵaw haqqında”ǵı Ózbekstan Respublikası nızamınıń 11-statyasına bola, akkreditaciyalanǵan jurnalistler bolıp ótetuǵın ashıq kollegiya májilisleri hám basqa da ǵalabalıq ilajlar haqqında aldınnan málimleme alıwı, akkreditaciyalawshı uyımnıń imaratlarına (xanalarına) hám basqa da obektlerine akkreditaciyalawshı uyım tárepinen belgilengen tártipte kiriwi múmkin boladı.
Ashıq kollegiya májilislerinde hám basqa da ǵalabalıq ilajlarda qatnasıwı, akkreditaciyalawshı uyımnıń juwapker shaxslarınan zárúr hújjetler hám materiallardı soraw jáne alıw, ǵalabalıq ilajlardıń jazıwları menen tanısıw jáne olardan kóshirme nusqalar alıwı da múmkin.
Sonday-aq, alınǵan jazıwlardan ǵalaba xabar quralları materialların tayarlawda paydalanıwı múmkin. Akkreditaciyalanǵan jurnalist nızamshılıqqa muwapıq basqa da huqıqlarǵa iye bolıwı múmkin.

Gulnoza Boboeva,
ÓzA