Bıyıldan baslap joqarı oqıw orınlarında qabıllaw kvotaların investiciyalıq joybarlarda kadrlarǵa bolǵan talaptan kelip shıǵıp qáliplestiriw sisteması jolǵa qoyıldı.

Endi investordıń buyırtpası menen texnikumlarda da kadrlar maqsetli tayarlanadı. Investordıń sorawına tiykarlanıp texnikumdaǵı bilimlendiriw baǵdarlamaların 30 procentke shekem ózgertiw múmkin boladı.
Texnikum menen dual tálimdi jolǵa qoyǵan kárxanalarǵa jeńilletilgen kredit ajıratıladı.
Sonıń menen birge, tarmaq birlespeleri ózlerine aǵza jumıs beriwshilerdiń mamanlıq talapların tayarlap bere almay atırǵanı, aqıbetinde kárxana da zıyan kórip atırǵanı, texnikumlar da ne oqıtıwdı bilmey atırǵanı boyınsha narazılıq bildirildi.
Juwapkerlerge jıldıń aqırına shekem jańa agentlik penen birgelikte tarmaqlardaǵı kárxanalar ushın kerekli kásipler kesiminde standartlar hám talaplardı islep shıǵıw tapsırıldı.
Májilis dawamında taraw hám aymaqlar juwapkerleriniń esabatları tıńlandı, bilimlendiriw shólkemleriniń basshıları menen sóylesti.

ÓzA