Ótken jıldan baslap 1-klasslarda málimleme texnologiyaları sabaqları jolǵa qoyıldı. Keyingi oqıw jılınan joqarı klasslar ushın jasalma intellekt boyınsha sabaqlar kirgiziledi.

Onıń ushın 2 mıń klass xanasına kompyuter, 6 mıń 300 interaktiv doska kerek. Bul maqsetlerge zárúr qarjılardı kelesi jılı mámleketlik byudjette názerde tutıw tapsırıldı.
Qábiletli oqıwshılarǵa sharayat jaratıw ushın wálayatlarda málimleme texnologiyalarına qánigelesken Al-Xorezmiy, injenerlik boyınsha Mırza Ulıǵbek, tábiyǵıy pánler baǵdarında Ibn Sina mektepleriniń filialları shólkemlestiriledi.
Endi olardıń barlıǵı aymaqlardaǵı texnika joqarı oqıw orınlarına atpa-at biriktiriledi. Jaqsı nátiyjege erisken pitkeriwshiler usı joqarı oqıw orınlarınıń 2-kursına qabıl etiledi.
2026-jılı mektep oqıwshıları arasında eń abıraylı eki – xalıqaralıq ximiya hám informatika olimpiadaları Oraylıq Aziya mámleketleri ishinde birinshi márte Ózbekstanda bolıp ótedi.
Bas ministrge paytaxtımızda bul olimpiadalardı joqarı dárejede ótkeriw ushın barlıq shólkemlestiriw máselelerin qadaǵalawǵa alıw tapsırıldı.
Prezident Shavkat Mirziyoevtiń basshılıǵında videoselektor májilisi dawam etpekte.

ÓzA