Prezident Shavkat Mirziyoevtiń basshılıǵında bilimlendiriw tarawındaǵı reformalardıń orınlanıwı hám keleshektegi wazıypalarǵa baǵıshlanǵan videoselektor májilisi dawam etpekte.

Májilis kún tártibindegi gezektegi másele – mektep bilimlendiriwi.
Alıs aymaqlardaǵı 74 mıń oqıwshı házirgi kúnge shekem 5-7 kilometr uzaqlıqtan mektepke qatnaytuǵını atap ótildi.
Qashqadárya hám Surxandárya hákimleri bul máseleni ishine kirip, qarjısın sheship, 100 mektepte biypul avtobus qatnawın jolǵa qoyǵan. Samarqand hám Jizzaq wálayatlarınıń hákimleri de bir ayda 100 usınday mektepke avtobus qatnawın jolǵa qoyıw baslaması menen shıqqan.
Bul qalǵan aymaqlar ushın úlgi ekeni kórsetip ótildi.
Úsh jıl ishinde qábiletli oqıwshılar ushın 201 qánigelesken mektep shólkemlestirildi. Biraq 12 qánigelesken mektepte qurılıs-ońlaw jumısları elege shekem juwmaqlanbaǵanı atap ótildi.
Tiyisli wálayatlardıń hákimlerine jumıslardı jıldıń aqırına shekem juwmaqlaw tapsırması berildi.

ÓzA