Prezident Shavkat Mirziyoevtiń basshılıǵında bilimlendiriw tarawındaǵı reformalardıń orınlanıwı hám keleshektegi wazıypalarǵa baǵıshlanǵan videoselektor májilisi dawam etpekte.

Usı jılı baqsha orınların qosımsha 182 mıńǵa kóbeytiw rejelestirilgen. Olardıń 82 mıńı jańa baqshalardıń úlesine tuwra keledi.
Rayonlardıń hákimleri qalǵan orınlardıń neniń esabınan jaratılıwın oylamay atırǵanı sınǵa alındı.
Mısal ushın, 118 baqshalardaǵı 255 xana ońlawǵa mútáj bolǵanı ushın bos tur. Yamasa orınlarda 8 baqshanı qurıw hám ońlaw 2-3 jıldan berli sozılıp atır.
Shımbay, Ǵállearal, Qızırıq, Baysındaǵı birewden baqsha ele ońlanbaǵan. Diyqanabad, Sariosiyo, Bostanlıq, Nurafshanda birewden jańa baqsha qurılısı juwmaqlanbaǵan.
Wálayat hám rayonlardıń hákimlerine 118 baqshalardaǵı xanalardı ońlap úskenelewge, jáne 8 baqshanı tolıq iske qosıwǵa 1-noyabrge shekem múddet berildi, kerisinshe jaǵdayda tiyisli ilajlar kóriliwi haqqında eskertildi.

ÓzA