Usı jıldıń basınan xalıqaralıq pán olimpiadalarında oqıwshılarımız 195 medaldı qolǵa kirgizdi. Olarǵa arttırılǵan stavkada jámi 10 milliard sum, trener muǵallimlerge bolsa 3,5 milliard sum aqshalay sıylıq beriledi.

Shet tili iyeleri tartılǵan 1 mıńnan aslam mektepte til boyınsha sertifikat alǵan oqıwshılardıń sanı bir jılda 2,5 esege kóbeydi.
– Durıs, mektepke shekemgi hám mektep bilimlendiriwinde ózgerisler bolıp atır, baǵdarlamalar islep atır, nátiyjeler bar. Biraq kásip-óner hám joqarı bilimlendiriwge juwapkerler elege shekem bilimlendiriwdegi reformalardıń mazmunın tolıq túsinip jetken joq,-dedi mámleketimiz basshısı.
Sol sebepli, joqarı bilimlendiriw, ilim hám innovaciyalar ministriniń barlıq orınbasarları – birinshi orınbasar Shoxruh Daliyev, orınbasarlar Otabek Mahkamov hám Sarvarxon Buzrukxonov jumıstan bosatılǵanı járiyalandı.
Sonday-aq, Prezident pármanı hám qararı menen Prezident Administraciyası janındaǵı Bilimlendiriwdiń sapasın támiyinlew milliy agentliginiń direktorı Adham Xudaykulov basqa jumısqa ótiwi múnásibeti menen hám Joqarı bilimlendiriw, ilim hám innovaciyalar ministrligi janındaǵı Innovaciyalıq rawajlanıw agentliginiń direktorı Sharof Rajabbaev lawazımınan bosatıldı.
Endi mektepke shekemgi hám mektep bilimlendiriwi sonday-aq, joqarı bilimlendiriw, ilim hám innovaciyalar ministrleri, olardıń orınbasarları, hákimler preventiv hám proaktiv jumıs islewge ótip, bilimlendiriwdiń barlıq baǵdarlarında úlken ózgeris islewi shárt ekenligi kórsetip ótildi.
Prezident Shavkat Mirziyoevtiń basshılıǵında videoselektor májilisi dawam etpekte.

ÓzA