Prezident Shavkat Mirziyoevtiń basshılıǵında mektepke shekemgi hám mektep bilimlendiriwi tarawındaǵı reformalardıń orınlanıwı hám keleshektegi áhmiyetli wazıypalar boyınsha videoselektor májilisi dawam etpekte.

Májiliste tartılıp atırǵan investiciyalarǵa, jańadan ashılıp atırǵan kárxanalarǵa jarasa múnásip kadrlar da tayarlanıwı zárúr ekenligi atap ótildi.
Ótken dáwirde muǵallimlerdiń aylıǵına qosımsha 10 nan aslam ústemeler engizildi.
– Itibar beriń, búgin óz ústinde islegen 60 mıńnan aslam muǵallim 10-12 million sum aylıq almaqta. Bul qashan bolǵan, – dedi Prezident.
Usı aydan baslap mektep direktorları, baqsha basshıları hám olardıń orınbasarlarınıń aylıǵı da 10 million sumnan astı. Jańa bahalaw sistemasına ótken 1,5 mıń mekteptiń 300 i unamlı nátiyje kórsetkeni ushın pútkil jámááti 40 procentke shekem ústeme aladı.
– Men xalqımızǵa waqtı kelip muǵallimlerdiń miynet haqısın mıń dollarǵa jetkeremiz degen sózlerim mine úsh jıl ishinde haqıyqatqa aylandı,-dedi mámleketimiz basshısı.

ÓzA