“Oylap tabıw”

Búgingi kúnde ıssı úlkeler, sonıń ishinde, Respublikamızda da ıssı kúnlerde insan denesiniń kóp terlewi nátiyjesinde túrli qarabaslı kesellikler hám jaǵımsız iyislerdiń payda bolıwı baqlanadı. Ásirese, ayaqlarda ushırasatuǵın onixomikoz sıyaqlı kesellikler mikroorganizmler tásirinde rawajlanadı.
Ózbek ilimpazları tárepinen bul mashqalaǵa sheshim izlenip, gúmis nanobóleksheleri tiykarında baktericid materiallar islep shıǵıw texnologiyası jaratıldı. Gúmis nanobóleksheleri óziniń kúshli antibakterial hám antifungal qásiyetleri menen belgili bolıp, olar 700 den aslam bakteriya, qarabas hám viruslarǵa qarsı nátiyjeli tásir kórsetedi.
Elimiz ilimpazları birinshi márte nanotexnologiya principlerin qollanǵan halda, quramında gúmis nanobóleksheleri bolǵan arnawlı eritpe járdeminde paxta talshıqlarınan tayarlanǵan baktericid shulıqlar islep shıǵıw usılın islep shıqtı. Izertlew nátiyjeleri sonı kórsetti, bul ónimler hátteki, bir neshe márte juwılǵannan soń da óziniń antibakterial tásirin saqlap qaladı.
Nátiyjede tek ǵana terlew hám jaǵımsız iyislerdiń aldı alınadı, al bakterial hám qarabas keselliklerinen qorǵaw da támiyinlenedi.
Qollanba boyınsha №IAP05250 sanlı patent alınǵan hám óndiris kárxanası bazasında jolǵa qoyılǵan.
Jańa texnologiya tiykarında islep shıǵarılatuǵın shulıqlar sapalı, arzan hám importtıń ornın basatuǵın bolıwı menen birge, keń tutınıwshılar ushın mólsherlengen. Sol arqalı jergilikli bazarda salamat turmıs tárizine úles qosatuǵın innovaciyalıq ónim payda boldı.
Tolıq maǵlıwmat “Ixtiro” baǵdarlamasında:

ÓzA