AQSh Prezidenti Donald Tramptıń aytıwınsha, Izrail húkimeti Gazadaǵı urıstı toqtatıw shártin qabıl etken. Házirshe Amerika jetekshisi qanday shártler alǵa qoyılǵanına anıqlıq kirgizbegen. Tek ǵana Xamasqa “sońǵı eskertiw” berilip atırǵanın aytqan.

Tramp ekshembi kúni Xamastı tınıshlıq usınısın qabıl etiwge shaqırdı. Onıń pikirinshe, Izrail razı. Endi XAMAS ta kóniwi kerek.
AQSh basshısı sociallıq tarmaqta bılay dep jazǵan:
– Barlıq tutkınlar úyine qaytıwın, urıstıń tamam bolıwın qáleydi. Bul Xamas ushın aqırǵı eskertiw!
Tiyisli usınıs ekshembi kúni Prezidenttiń arnawlı wákili Stiv Uitkof tárepinen jetkerilgen. Hújjetke bola, Xamas tezlik penen barlıq tutqınlardı bosatsa, óz gezeginde Vashington Izrail áskeriy ámeliyatınıń toqtatılıwın kepilleydi. Izrail húkimeti shama menen úsh mıń palestinalı qamaqtaǵılardı azat etiwge razı.
Házir Gaza qalasında 48 tutqın qalǵan. Boljawǵa bola, olardan 20 sı tiri.
Tramp aldın da Xamasqa usınday ultimatum qoyıp, sonda da “sońǵı eskertiw” bergenin aytıw kerek.
Vashingtondaǵılardıń pikirinshe, bul retki usınıs uzaq sozılǵan tartıstı saplastıradı.

ÓzA