Ózbekstanda hayal-qızlardıń bilim alıwına keńnen imkaniyatlar jaratıw boyınsha úzliksiz jumıslar ámelge asırılmaqta.

Bul háreketlerdiń logikalıq dawamı sıpatında 2025-2026-oqıw jılında mámleketlik joqarı bilimlendiriw mákemeleriniń magistraturasında bilim alıp atırǵan barlıq hayal-qızlardıń kontrakt qarjıları mámleket tárepinen qaplap beriletuǵını belgilendi. Bul baslama hayal-qızlardıń joqarı bilimlendiriwdegi qatnası hám ilimge bolǵan qızıǵıwshılıǵın jáne de arttırıwǵa xızmet etedi.
Onıń ushın hayal-qızlardan tómendegiler talap etiledi:
– Arzalar 2025-jıl 15-sentyabrge shekem bilim alıp atırǵan JOO baslıǵı atına tapsırılıwı shárt. Keyin berilgen arzalar kórip shıǵılmaydı;
– Arzalar 3 jumıs kúninde kórip shıǵıladı, ulıwma dizim bolsa 5 jumıs kúninde ministrlikke jiberiledi. Kontrakt qaplanıwı haqqındaǵı buyrıq 2025-jıl 15-oktyabrge shekem qabıl etiledi.
Bul mámleketlik járdem hámmege birdey tiykarda qollanılmaydı. Jeńillikten paydalanıw imkaniyatı tómendegi kategoriyalarǵa tiyisli emes:
– Múddeti keshiktirilgen arzalar;
– Tártipli kontrakt tiykarında oqıwshılar;
– Mámleketlik emes JOO magistraturasında oqıp atırǵanlar.
Bul jeńillik hayal-qızlar ushın tek ǵana finanslıq járdem bolıp qalmastan, al olardıń bilim alıw, kásiplik ósiw hám jámiyette belsene qatnasıw imkaniyatların keńeytedi. Sonıń menen birge, belgilengen shártler hám múddetlerge ámel etiw úlken áhmiyetke iye. Arzanı óz waqtında tapsırıw mámleketlik járdemdi alıwdaǵı birinshi qádem.

Dildora DWSMATOVA,
ÓzAnıń xabarshısı